Стандардно: веруваат во американскиот начин на живот, но и дека Сонцето се врти околу земјата (?!), а Господ го создал човекот.

Необично: многу заеднички нешта помеѓу Америка и Саудиска Арабија! Меѓу другото, во обете земји постојат клубови во кои мажите и жените се дружат издвоено. Постопи „мала“ разлика: во Саудиска Арабија машките и женските простори се вообичаено еднакво опремени,  за разлика од еден голф клуб во Аризона, кој е предмет на судски спор. Жените бараат big-screen TV во својот дел од ресторанот, кога нивните мажи веќе имаат три. Противниците на родната сегрегација се брзо прозвани за „феминацисти“, што срамотно потсетува на однесувањето кое им го припишуваме на народите на малите посткомунистички средноевропски државички.

Пренесуваме делови од книгата на Чедомир Ќупиќ „Политика и професија": Се работи за мошне прецизни и јасни анализи, ставови и аргументи кои можат многу да помогнат во разбирањето на политиката „како таква“, нејзината сушност и смисла, на професијата односно професионалноста и политиката како професија. А се тоа во рамкиите на потрагата по вредностите како единствена смисла на животот.

(2007-03-18)

Колку е важен насловот на една книга? Се чини, во нашево време се повеќе. Можеби, кога е маркетингот во прашање, поважен е и од самата содржина (?!). Согледувајќи го неговото значење, а пред се неговата бизарност, едно британско списание неколку години на ред го избира најбизарниот наслов.

Можеби за првпат ќе прочитате дека дури 30 години се во кавга двајцата книжевни великани на латинскоамериканската книжевност, Маркез и Љоса. Конечно е откриена причината. Очекувана, па и "нормална" (најчеста): жена.

Ако се обидеме реално да ги согледаме и промислиме идеолошките платформи односно програмските заложби на постојните „главни“ и „споредни“ политички партии (нови тешко дека ќе се јават во меѓувеме), лесно ќе дојдеме до поразително сознание: дека со нас, со нашава држава и во наредниот период многу повеќе ќе владее волунтаризмот одошто знаењето.

Тоа едновремено значи дека со помош на „ново-старите“ (сеедно за кого ќе го дадеме својот глас на следните избори) и натаму ќе „летаме в место“, несигурната иднина, па и бесперспективноста натаму ќе ни бидат „зацементирани“. И натаму ќе тонеме кон дното, постојано прашувајќи се дали некогаш/ кога ќе го допреме.