Наводниците се затоа што таа- екстремноста  е секогаш дискутабилна, особено од временска дистанца; она што била во блиско или далечно минато, сега е нормално, воопшто не го предизвикува нашето внимание. Кога станува такво? Со пречеста појава или пројава.

Како и да е, со или без наводници, екстремните мажи за кои станува збор се со свое време и свои бизарни приказни: на египетски маж не му дозволиле женидба поради длабока старост и голема разлика во годините; еден Австралиец е ослободен од обвинение откако е погубен уште пред 87 години; прв бремен маж на светот.

А кои треба да бидат „стандардни рамки“? Да, ги поставуваме, ни ги поставуваат за да не држат „стандардни“, но секогаш ќе се најдат некои помеѓу нас што со своите бизарни  акции, дејанија или случувања ќе излезат од нив. Не само што излегуваат, туку и ги кршат, ги бришат.

И добро е додека се наоѓаат. Без нив не само што би биле во „стандардни рамки“, туку и би биле во голо живуркање.

За многумина идеална жена не постои, дури сметаат дека „потрагата“ по неа е смешна, апсурдна. Одоговорот на прашањето „Што е идеална жена?“ е најчесто личен, тргнува од личното искуство („За мене...“).

Меѓутоа, во светот се правени и се прават обиди, некои со, а некои без поголеми претензии, да се „наслика“ идеалната жена. И тоа не навлегувајќи во општествената, економската, правната или некоја друга положба.